DEFINIZIOA

Autore ezberdinen (Vaquera et al,. 2002; Thomas, 2000; Freiwald, 1996) beroketaren definizioak aztertu ondoren, definizio ugari eta ezberdinak aurkitu ditzakegula esan dezakegu. Denak baliagarriak izan daitezkeen arren, aztertu ditugunen artean, beroketa bere osotasunean hobekien definitzen duena ondorengo lerroetan proposatzen duguna da:

Beroketa, kirolariaren organismoa ondorengo lehiaketa eskakizunetara egokitzea helburu duen eta kirol jardutea burutu aurretik egiten den zeregin edo ariketen multzoa da. Kirol jardutearen bitarteko lesio arriskua minimizatzea eta ariketarekiko aldez aurretiko jarrera psikologiko egokia lortzea bilatzen du (Calleja et al., 2008).