ERAGINAK

Beroketak sortzen dituen onurak zein hauek sailkatzeko moduak ugariak dira. Erabiltzen den sailkapena ezberdina izan arren, denek bat datoz beroketa egoki batek ondorengo lerroetan izendatuko diren onurak izan ditzakeela . Blog honetan azpi atal ezberdinetan beroketak dituen onurak banatu dira (Berdejo, 2011; Pareja, 2010; Bishop, 2003) :

a) Sistema kardiobaskularra

• Bihotz maiztasunaren handitzea adrenalinaren estimulaziogatik
• Odol presioaren handitzea
• Zirkulazioan dagoen odolaren ugaritzea. Honen bidez substratuen, oxigenoaren eta hondakinen garraioa azkarragoa da

b) Arnas sistema

• Hemoglobina eta mioglobinatik datorren oxigenoaren askatze handiagoa
• Oxigenoaren disoziazio handiagoa, jarduera bitartean muskuluan ematen den oxigeno ekarpena hobetuz
• Arnas maiztasunaren handitzea
• Gasen elkartrukearen eraginkortasun handiagoa
• VO₂ basalaren handitzea: metabolismo aerobikoa indartuz eta fosfokreatina erreserbak mantenduz lehiaketa garaian erabili ahal izateko

c) Sistema neuromuskularra

• Muskuluen biskositatea murriztu
• Muskuluen tenperatu handitu aktibitate entzimatiko eta metabolikoa erraztuz.
• Tonu muskularra handitu
• Hartzaile nerbioso sentikortasuna eta nerbio kinadaren transmisio abiadura handitu
• Erreakzio abiadura handitu
• Potentziazio postaktibazioa: aurretik antzeko uzkurdura jardueraren ondorioz, muskuluaren uzkurdura errendimendua handitu batez ere, indar eta potentzia osagaiak behar dituzten jardueretan  
• Uzkurdura agonista-antagonistaren eraginkortasuna hobetu

d) Faktore psikologikoak

• Partidu edo entrenamendura mentalki prestatuagoa iritsi
• Lehiaketa aurreko tentsio eta estutasuna kendu
• Kontzentrazioa eta motibazioa handitu
• Atentzioa, pertzepzioa, akzioen zehaztasuna, autokonfiantza eta kontzentrazioa handitu
• Aktibazio sentsorialen prozesuak ugaritu

e) Onura profilaktikoak edo lesioen prebentzioa

• Muskulu eta artikulazioen tenperatura igotzeak eta erreakzio metabolikoen ugaritzeak ehunen ezaugarri biskoelastikoak  aldatu ditzake lesioen prebentzioa eraginez